// we don't look / like pages from a magazine / but that's all right // let's do it all imperfectly //

lunes, marzo 10, 2008

Agardeite facendo largos nunha copa de mencía



boomp3.com


Cando chegaches, o cuarto estaba en branco e negro,
soaba Koko Taylor,
a luz era tenue
e eu levaba aquel vestido dunha peli de Hitchcock
(dunha calquera).

Tardei un anaco en colorear a estancia,
e ti agardaches á porta,
nun Porsche 911 do 69
co motor en marcha.

Eras Cary Grant e eu...
eu era algunha muller máis fermosa,
máis esbelta,
máis elegante.

Pero conducindo polas reviradas estradas da costa
perdimos ese look dos sesenta
e volvimos ser pop
con abrigos de pano longos,
ollando o mar;
as lapelas cubrindo o rostro
e os cabelos bailando no ar.

Con música de fondo,
ten que haber música de fondo,
paramos o tempo
(só ti sabes como)
e das apertas erguímonos espidos,
feitos de velcro e aloumiños
nun suspiro e un sorriso.

E ata aquí podo ler...




5 Dime ti

Blogger Rifo I de Zeuquirne di...

Gústame o que podo ler, o resto vouno imaxinar pechando os ollos e oindo esa música de fondo...
Apertas.

7:21 p. m.

 
Blogger emereci di...

Que envexa, eu tamén quero vivir en cinemascope :)

8:31 p. m.

 
Blogger DANI di...

Convertir a Cary Grant en un mod, o a Rita Hayworth en una diva pop!!

Si no recuerdo mal eran los Ocean. Tiempo hacia que no los escuchaba.

Besos reencontrados

10:18 p. m.

 
Blogger O Raposo di...

Cunha copa de mencía e en cinemascope. Asi calquera!

8:26 p. m.

 
Anonymous ekis1331 di...

O meio quilo de laranxas que nos regalaches foi unha delicia/ledicia, o seu xugo escorregou pola miña gorxa coma ondas da Lanzada e, de súpeto, sentinme pegar curvas ó ritmo dunha música luminosa e suave coma un horizonte.

2:14 p. m.

 

Publicar un comentario

Enlaces desta entrada

Crear un enlace

<< Home